千色Citistore激拚購物日　激享折上折

一年七日、備受港人關注嘅千色Citistore「激拚購物日」又嚟喇！多款貨品均以折扣價出售，大量特價貨品再有折上折優惠，勢必吸引一眾知慳識儉的市民，到各店瘋狂掃貨。其中，將軍澳店早前完成擴建工程，現已新裝開幕，更推出「地表最強」優惠，10款激減貨品以低至2折發售，想搶購心水正貨？就記得睇定東網為大家預備的攻略同精選貨品！

千色Citistore由9月29日起至10月5日，連續7日於荃灣、元朗、馬鞍山、將軍澳、大角咀及屯門全線六間店舖進行減價，精選超過400件貨品全麵激減。其中，全新裝修的將軍澳店，擴建後總麵積逾128000平方呎，注入新興潮流元素，並引入多個全新品牌及貨品，當中包括匯聚日韓、泰國及本地年輕時裝品牌的CITIZEN'S EDIT；還有新創立的主題專區CTBeatZ，將定期於店內舉辦豐富活動及限定店。

東網記者昨早到將軍澳店，發現現場逼滿掃貨的市民，部分人更於開門前到達店外排隊，希望能第一時間購得心頭好。其中，在門外排隊的劉小姐早已有「心水」，「諗住買喼，平好多，平時要千幾蚊，見過最平試過600幾，依家$320幾就買到。」另外，掃貨後滿載而歸的趙太則對裝修後的將軍澳店讚不絕口，「寬敞咗好多，乾淨企理，之後會再嚟買傢俬同電器。」

想順利購得心頭好？咁就要即睇以下掃貨攻略！

咩類型貨品有折？
店內大部份貨品，都會以特價發售，當中包括男女服裝、嬰童服裝、玩具精品、廚具、床品及家電等。當中大部分貨品減價後更可享額外9折，電器及濾水器則可享額外95折！

有咩必搶貨品？
購物日舉行期間，每日均會推出不同的「每日限定搶手貨」，合共88件貨品，以超抵價發售，絕對不容錯過。以今日為例，精選Uji 918針絲般綿印花床品套裝，以4呎雙人為例，原價$530，減價至$269，額外9折後，更隻需$242.1，即隻是原價約45折！另外，法國名家1.7公升玻璃無線電熱水壺，則由原價$269，減價至$149，額外95折後，更隻須$141.5，即約以半價發售！

不過大家要留意，所有「每日限定搶手貨」數量有限，售完即止，準備趁連續幾日假期前往掃貨的朋友，記得要留意心水貨品的開賣日期！

新店有冇額外優惠？
將軍澳店擴建後新裝開幕，當然要與眾同樂，推出額外優惠啦！購物日舉行期間，將軍澳店將推出10款限量貨品，以2折優惠發售，當中有行李喼、床品、電熱水壺、日本製電飯煲等小家電、嬰兒網床及士的車，總有一款啱大家心水。

以今日為例，雅芳婷i simple係列環保多用被，就由原價$840，激減至$168，限售30張；另外，日本製造的虎牌1.8公升IH磁應電飯煲，就由原價$4388，勁減至$877，限售25個。不過大家要留意，每款2折優惠貨品，每人隻限購一件，真係手快有手慢無！

另外，千色Citistore將首次於店外加設旅行箱特賣場，名為「旅行箱激拚殿堂」，齊集多個知名旅行箱品牌，包括mendoza 29寸360度轉超輕PC拉鍊旅行硬箱，推介價$768，9折後隻需$691.2；另外，ELLE拉鍊旅行硬箱，有20、25及29三個尺寸選擇，推介價介乎$559至$749，9折後隻需$503.1至$674.1，專攻旅行箱的旅行達人切勿錯過！

有乜額外著數？
凡於購物日期間購物淨值每滿港幣$500，即可以超筍價$39，換購VACA小牛角200毫升真空保溫杯一個；購物滿$1500或以上，最多可換購保溫杯3個及每種顏色各一個，一於將3隻顏色都換走，入秋後天氣轉涼更方便作隨身杯使用。數量有限，換完即止。

本文來源：http://hk.on.cc/hk/bkn/cnt/news/20170930/bkn-20170930083047962-0930_00822_001.html