去茶餐廳歎杯熱飲,順手都會加兩羹糖,但如果你一打開糖甖,卻發現內有簷蛇,又會有何反應?近日有網友於社交群組「巴打絲打Facebook Club」發貼,指食早餐時遇到上述情況,被嚇壞了!
據發貼者表示,當他在餐廳打開糖甖時,赫然發現一隻簷蛇依附在糖甖內壁,頓時大吃一驚,「唔係我放落去,佢仲係生㗎!」
有網民表示,該簷蛇很大條,「好得人驚」、「畀我見到一定嚇到成樽推落地」。又有人笑言,「佢唔係鹽(簷)蛇,係糖蛇」、「佢勸你戒糖呀」。另外,有網民建議貼文者如害怕,可以「冚番蓋,同隔籬枱換」。
事實上,簷蛇天性喜歡糖,坊間有不少捕捉簷蛇的方法,都是利用糖作吸引,如把冰糖置於玻璃瓶內,一旦簷蛇的腳沾滿糖碎,便難以逃離。
---------------
《港呢啲》:大事小事騎呢事,東網電視嚴謹選題,輕鬆製作!
本文來源:http://hk.on.cc/hk/bkn/cnt/news/20171128/bkn-20171128134534418-1128_00822_001.html
Copyright © -Hilarious-Delicacy Moment- All Rights Reserved.