香港好嘢!今日國際賽,雖然首項盃賽香港瓶落入愛爾蘭代表「高地之舞」手上,但去到港隊最強嘅香港短途錦標千二米G1,我哋港隊發威喇!全港最高分馬「紅衣醒神」,一路都跟在前列靚位,入正直路騎師羅理雅加速,三幾下手勢就衝上嚟,最終頂住同馬房的「翩翩」勇奪冠軍!仲唔止咁呀,呢場啲外隊馬「福兆」、「唐吉快跑」、「狂暴不羈」、「每月一回」全部捱打,一隻都入唔到前列名次,最終港隊包曬前五名,亞軍係蔡廐「翩翩」、季軍姚廐「有得威」、殿軍呂廐「幸運如意」及第五名蔡廐「華恩庭」,真係好叻叻呀!
呢場總獎金1,850萬大賽,旗下馬跑一、二、五名嘅蔡約翰,今場自己袋逾一百五十萬獎金,而騎師羅理雅係第一次贏國際賽,兩個係今日大贏家!
本文來源:http://hk.on.cc/hk/bkn/cnt/sport/20171210/bkn-20171210145916746-1210_00882_001.html
Copyright © -Hilarious-Delicacy Moment- All Rights Reserved.