即上英超刨績王:http://win.on.cc/epl
喺皇馬出道嗰陣曾被譽為「新C朗拿度」嘅謝斯洛迪古斯,近年愈撈愈唔掂,依家隻係效力英超中型班史篤城,不過呢位西班牙射手仍然得到好多艷羨目光,事關佢身邊有一位樣靚兼且身材超級正嘅女友Aurah Ruiz。可惜謝斯洛迪古斯似乎身在福中不知福,日前公開宣布同Aurah分手,點知Aurah立即反擊,直斥謝斯洛迪古斯「拋妻棄B」,係超級賤男!
謝斯洛迪古斯同Aurah上年誕下囝囝Nyan,但BB因為早產健康出現嚴重問題,而長期瞓醫院治療,有傳聞話謝斯洛迪古斯對兩母子非常冷漠,有時寧願同朋友出去玩都唔照顧BB。早前謝斯洛迪古斯發聲明宣布分手,雖然佢講到好無奈,仲叫大家尊重Aurah同囝囝,不過Aurah似乎就唔領情。
Aurah之前亦發聲明反擊:「唔好叫人尊重我同BB,當你叫人幫你寫呢段聲明,你就係第1個唔尊重我哋嘅人!你喺我哋人生最養難嘅時刻離開,我要提醒你,你從來冇照顧過Nyan,你永遠將足球放喺第1位,我嘅家人為咗令人繼續事業,將佢哋工作放埋一邊,輪流幫你照顧Nyan,而呢個就係你回報佢哋嘅方式。」
東網體育同你追實體壇每個精彩時刻!
https://goo.gl/Wt2mBr
本文來源:http://hk.on.cc/hk/bkn/cnt/sport/20180130/bkn-20180130134520527-0130_00882_001.html
Copyright © -Hilarious-Delicacy Moment- All Rights Reserved.